زمان و انا صغير
......هتتقسموا لمجموعات كل مجموعه فيها 3 من قسم اتصالات و 3 من قسم مدنى و
ده معمل الفيزياء بالكليه عامل زى خليه النحل , الكل مشغوول عشان التجارب تنجح و رحت على مجموعتى و
انتى إيناس مش كده؟؟
تطل من عينى الدهشه و انظر له بتعجب
أيوه أنا... شكلك مش غريب عليا
و كمان نستينى!! أنا بقى عمرى مقدر انساك( يقولها باسما و ساخراً)ء
أنا عمرو اللى كنت معاكى فى المدرسة
أخيرا وضحت الرؤيا بعدما ظننت أنى مطالبه فى قضية ثأر
أيييوة افتكرتك إزيك عامل إيه؟ بقى انت بقى رحت مدنى, صدفه سعيدة جداً ( و وضعت ابتسامه على وجهى- دائما ما اجد صعوبه فى الابتسام لمن يقتحمونى فجأة)ء
ايه بقى حكاية عمرى ما اقدر انساك شكلك كدة كنت بتعزنى بالشقلوب؟
أصل مقدرش انسى البنت الوحيدة فى حياتى اللى صفعتنى على وجهى؟؟
إيه أنا عملت كده؟؟؟ عجب الدنيا ظهر علنا و الصدمة هزتنى انا انا الملاك الهادى اللى بكلم الناس بالعافيه عملت فى المسكين دة كدة!!! إزاى؟؟
و إية.. علشان كنت بتكلم!!!ء
أنا!! إزاى و ليه و امتى؟؟
أيوه انتى . كنت واقفه علينا فى الفصل و طبعا كنت غيظانى بغرورك اياه و لقتينى بتكلم
اسكت
مش هسكت
اسكت
مش هسكت
مش هسكت
طااااااخ نزلت ايدك عليا صارووخ
.أنا عملت كدة, يا خبر. انا أسفه اوى مش عارفة أعتذر لك ازاى
يا ستى المسامح كريم . بس انتى كنتى صحيح مغروره كده ليه و دايما حطه ايدك فى جيبك و مش عجبك حد؟
انا مكنتش مغرورة ولا حاجة. حرام عليك . أنا بحط ايدى فى جيبى عشان دى عادة مش أكتر و لحد دلوقتى لو صادفنى جيب فى هدومى
.بحط ايدى فيه بحركة لا إرادية
أما انا ضربتك كدة ليه فانا معرفش. بس يمكن عشان كنتوا دايما تغلسوا عليا. فلما جاتنى فرصة السيطرة عليكوا فى الفصل و انت حبيت تغلس حصل اللى حصل بس أنا والله اسفة. يا خبر بقى انا اعمل فيك كدة, سامحنى
و كالعادة محدش يقابلنى من الناس بتوع زمان الا و يقولى " كنت طالعه فيها أوى" و دة جزاء انى كنت بتكسف و اخجل من الناس اصبح فى نظرهم مغرورة. يا ناس مفيش واحد بس يعذرنى؟؟
posted by Eanass Abouzeid @ 3:01 pm
11 Comments:
Set up a protest against terrorism tomorrow in the streets of Cairo. Do it. Call everyone you know, join together, link up this Egyptian blogosphere and to the streets.
Karim Elsahy
www.onearabworld.blog.com
نفس اللي حصل معايا بس أنا ما كنتش بضرب حد
كنت من اللي بقال عليهم ولد مؤدب و هادي
مع الإنتقال من المدرسة الخاصة ف إبتدائي للمدرسة الحكومة ف إعدادي ما كنتش بكلم حد عشان ما حدش ياخد عليا فيهزر بشتيمة و ما أعرفش أرد عليه -مع ملاحظة إني كنت متفوق و كنت الأول على المدرسة الإعدادي ف أولى و الرابع ف تانية و التالت ف تالتة- بغبائهم ترجموا كل ده إن أنا مغرور
وكان الحل في ثانوية عامة إني بقيت شبهم كتير
و بعدين لما دخلت صيدلة بقى كل اللي حوليا نفس المستوى الفكري ف بقيت تمام
عادى
غريب إنك مهندسة ولك في الفنون والأدب لكن. ماعلينا لأن الهندسة فكر والآداب والفنون كمان فكر أشد على يديك في مدونتك وأدعو لك بالتوفيق فيها والسهر عليها وبصراحة دمك خفيف وكتاباتك أيضا بس خليها شوية فصحى وشوية عامي .وأرجو أن تقرأيني
www.elmhboooosh.blogspot.com
اممممممم
شوفت مدونتكط بالصدفة ولفت انتباهي هالموضوع
لاني فعلا مثلك تماما ..ولحد الان بعاني من المشكلة دي
الكل بيقول عني مغرورة ومتكبرة والسبب اني مش بحب احتك مع الناس او بمعنى تاني بحس بالخجل و كمان انطوائية
صعب الناس تفهم شخصيتك والكل عايز يقول رايو فشخصيتك
هففففف مش عارفة ايه الحل !!!
الله يعين
و بالتوفيق
تحياتي
صديقة كل الاطفال
بالقلم يا مفترية ,انا عملتها مرة وانا ضغير برضه بس انا اللي ضربت بنت,يخرب عقلك لا بس موقف محرج فعلا ,تلاقي الولد ده كان خايف تضربيه تاني
يله بقى يإناس شقاوة عيال
أنا عن نفسى وانا صغيرة كنت بضرب كل الصبيان فى الفصل .لحد دلوقتى مش عارفة سر الحالة الى كانت عندى دى
بس بجد يستهلو
وعلى فكرة دا شكله قلبه أسود أوى
لسه فاكر !!!
no ya Miro , he was so friendly with me.
bel3aks ya karamella da albo abyad awee, ely yefteker 7aga mo7rega keda we ye2olha le ely sabeblo el e7rag yeb2a bane adam tayeb gedan. :)
ندعوكم لزيارة مدونة خليك فى البيت والمشاركة فى الحملة
بارك الله فيك
موضوع ممتاز
منتديات
http://www.56waat.com/vb
http://www.56waat.com
http://dalil.56waat.com
http://www.56waat.com/quran
http://www.56waat.com/hair
http://www.fr7ty.com/vb
http://www.fr7ty.com
شكرا علي الموضوع
نادي حواء
http://hawaa.alnaddy.com/
Post a Comment
<< Home