@# little me #@

Saturday, January 01, 2005

زمان و انا صغير

......هتتقسموا لمجموعات كل مجموعه فيها 3 من قسم اتصالات و 3 من قسم مدنى و

ده معمل الفيزياء بالكليه عامل زى خليه النحل , الكل مشغوول عشان التجارب تنجح و رحت على مجموعتى و

انتى إيناس مش كده؟؟

تطل من عينى الدهشه و انظر له بتعجب

أيوه أنا... شكلك مش غريب عليا

و كمان نستينى!! أنا بقى عمرى مقدر انساك( يقولها باسما و ساخراً)ء

أنا عمرو اللى كنت معاكى فى المدرسة

أخيرا وضحت الرؤيا بعدما ظننت أنى مطالبه فى قضية ثأر

أيييوة افتكرتك إزيك عامل إيه؟ بقى انت بقى رحت مدنى, صدفه سعيدة جداً ( و وضعت ابتسامه على وجهى- دائما ما اجد صعوبه فى الابتسام لمن يقتحمونى فجأة)ء

ايه بقى حكاية عمرى ما اقدر انساك شكلك كدة كنت بتعزنى بالشقلوب؟

أصل مقدرش انسى البنت الوحيدة فى حياتى اللى صفعتنى على وجهى؟؟

إيه أنا عملت كده؟؟؟ عجب الدنيا ظهر علنا و الصدمة هزتنى انا انا الملاك الهادى اللى بكلم الناس بالعافيه عملت فى المسكين دة كدة!!! إزاى؟؟

و إية.. علشان كنت بتكلم!!!ء

أنا!! إزاى و ليه و امتى؟؟

أيوه انتى . كنت واقفه علينا فى الفصل و طبعا كنت غيظانى بغرورك اياه و لقتينى بتكلم

اسكت

مش هسكت

اسكت
مش هسكت

طااااااخ نزلت ايدك عليا صارووخ

.أنا عملت كدة, يا خبر. انا أسفه اوى مش عارفة أعتذر لك ازاى

يا ستى المسامح كريم . بس انتى كنتى صحيح مغروره كده ليه و دايما حطه ايدك فى جيبك و مش عجبك حد؟

انا مكنتش مغرورة ولا حاجة. حرام عليك . أنا بحط ايدى فى جيبى عشان دى عادة مش أكتر و لحد دلوقتى لو صادفنى جيب فى هدومى

.بحط ايدى فيه بحركة لا إرادية

أما انا ضربتك كدة ليه فانا معرفش. بس يمكن عشان كنتوا دايما تغلسوا عليا. فلما جاتنى فرصة السيطرة عليكوا فى الفصل و انت حبيت تغلس حصل اللى حصل بس أنا والله اسفة. يا خبر بقى انا اعمل فيك كدة, سامحنى

و كالعادة محدش يقابلنى من الناس بتوع زمان الا و يقولى " كنت طالعه فيها أوى" و دة جزاء انى كنت بتكسف و اخجل من الناس اصبح فى نظرهم مغرورة. يا ناس مفيش واحد بس يعذرنى؟؟

Thursday, December 23, 2004

يعنى كان يجرى ايه؟؟

!!مالك يا بشمهندسه النهارده؟ شكلك متضايق

...معلش يا جماعه انا فيه حفله عفارييت بتتنطط قدامى دلوقت .. شويه كده و هكون كويسة سامحونى وفكّرت

يعنى كان جرى اية يا ماما لو كنتى اخذتينى فى حضنك زى ما بتعملى كل مره اجيلك فيها الصبح لما اصحى و أسند عليكى

يعنى كان جرى ايه يا بابا لو مكنتش سألتنى عايزة شاى ولا لأ و ما أنا بقى لى 24 سنة بشرب شاى الصبح معاك .. لأ و ايه عايزاه بلبن ولا ..من غير ؟؟... هو أنا عمرى شربت شاى الصبح من غير لبن يعنى

و لما أسئلك ليه بتسألنى . تقولى يمكن غيرتى رأيك لما كبرتى

!!!!!كبرت مييييييييين اللى قال أنى كبرت على حضن امى و الشاى بلبن بتاع أبويا ؟؟؟

!!!أنا مفيش أعيَّل منى فى الحاجات دى .... قال كبرت قال

Tuesday, December 21, 2004

S h y

(Looking to me with her brown friendly loving cheerful eyes)

- She is a good girl my little Possy, right Bosbos ??

(me trying to hide my self from those eyes hunting me by now , they continued and I escaped out side the room having my cheeks burnt )

-But why doesn't she talk with us, why did she look to me like that, no no ..... She is not like you , I feel she is snob

- (defending me) No, she isn't snob at all , but she is always quite that is it, nothing else
(smiling to backoff the embarrassment away from her)

(that woman shaking her head in a disbelieving, disagreeing way and she continued talking in another subject forgetting the whole thing about me )

oh what a nice kitty , how do you do? wanna play with me, here chase my hands "ha ha didn't catch it try again"...
(going playing with the possy cat forgetting the horrible moments I was in with my mothers friend , her rude staring eyes as if she never sow a girl with her mother before !! And talking to me as if I'm 3 months old not a 9 years girl , that makes me shy, angry of stupid people like That old creepy widow )